To Be HaPpY JuSt SmiLe ^_^

مزاجي

..

السبت، 22 مارس 2008

أوعدك تسأل ذهولك جد ماتفرق معاها ؟؟

السلااام عليكم :)
كيفكم ان شاء الله بخيير
والله مادري وش اقولكم بس كل ماافضى يطلع لي شي جديد
بعد ماكتبت اخر بلوق بيوم خرب جهازي وماصار يشتغل
وانشغلت اسبوعين بكويزات ورى بعض مامداني اسوي شي غير اقابل الكتب
وبعدها فضيت لجهازي وصلحته وهذاني رجعت لكم
وقلت لازم اسوي شي وانزل شي عشان ماتزعلوون مني
وعشان ماتكون الرجعه الرابعة على حساب عابر سبيل لووووووول
شيمااء ينزل قصيدة عجبتني وان شاء الله تعجبك :$
الى مااتفرغ وانزل شي من كتاباتي
قبل كل شي احب أقول كل سنة وأمهات العالم كلهم بخير
والله يخلي لي مامتي ويخلي كل ام لعيالها :$
القصيدة
*·~-.¸¸,.-~*المشهد الأول*·~-.¸¸,.-~*

كان صاحب فكر واعي مختلف وانسان هادي
يجبرك تسمع كلامه بطيب نفسك وبرضاهـا
وكنت ابوصل لأهتمامه بس بالوضع الحيادي
ورغم قوة انجذابه غيـر " شكـراً " ماحكاهـا
غير كل الناس شفتـه واستمريـت بعنـادي
كان غايـة امنياتـي كـان فعـلاً منتهاااهـا
مرت الايام حتـى حقـق الله لـي مـرادي
وعشت " قصه " صعب اشرح او افسِّر محتواها
كنت قبله " شبه حيه " كل شي حولي رمـادي
كنت طفله " بحزن ظالم " تدهشه روعة بكاها
انتشلني من ضياعي وانتهت فتـرة حـدادي
وابتديته " حلم صحوه "وآآآه لو اعرف مداهـا
كنت اطيييير بكل لهفه اشرح ظروف ابتعادي
واجتهد اقنع ضنونه اني مو مـن مستواهـا
وان تأخرت بغيابي كـان بالإحسـان بـادي
يسبق انفاسي ويسأل " وينها طوّل جفاهـا؟ "

\
/
\
/
*·~-.¸¸,.-~* المشهد الاخير *·~-.¸¸,.-~*

يا حبيبي اللي تغير وصار يتهنى بسُهـادي
ويشعل بغيبته ناري لجـل يتهنـى بدفاهـا
صرت ماتهتم فيني وصار وضعك اعتيـادي
ماتفكر لو للحظه بين نفسك " وش بلاهـا؟ "
اكتشفت اني بوادي وانت واحساسك بوادي
تنتظر منـي اجيلـك ابـري العلـه بداهـا
تنتظر من رجائي او تبـي حَـب الايـادي
" نفسي حره "ياحبيبي ماتبي شخـصٍ رماهـا
كنت اغلى من حياتي كنت واحد في فؤادي
كنت كل الناس عندي وجيتك ماارجي سواها
لاحظ اني قلت " كان " وكان حبك غير عـادي
واوعدك ..تسأل ذهولك" جد ماتفرق معاها !!! "

الخميس، 6 مارس 2008

عدنا :)

السلام عليكم
كيفكم وش اخباركم
والله العظييم وحشتوووني حيييييل
ووحشتني مدونتي مرره
من زمان ماكتبت شي لدرجة اني ماني عارفه وش اكتب
فتحملوا اللي بيطلع ولاتدققون :D
قبل كل شي احب اشكر كل اللي سألوا عني وفقدوني
واقولهم ماتفقدوووون غالي يارب
وماقصرتواا والله
جد فرحني كثيير كلامكم وسؤالكم عني :)
حلو الشعور لمن تغيب وتلقى من يفقدك والا ; )
ثاني شي ابي اعتذر لكم عن غيبتي اللي كانت خارجة عن ارادتي
من اختبارات لدراسه وزحمه وامور كان لازم تترتب
والحمدلله اتوقع ان الوضع حاليا مستقر :)
الحين ببدا اخربط
تحملوا عاد :)
اممممم مادري وش اقول صراحه لووووووول
بس اللي جا في بالي اني الفتره اللي راحت مو بس قطعت المدونه
قطعت المدونه والنت واشياء كثير
مادري ليه
ماكان فيه المانع القوي اللي يمنعني عن هالاشياء
بس اتوقع المشكله فيني
اظن عندي مشكله في التواصل
لازم القاها حل لانه شي متعب
موضوع تواصلي مع الناس صار يسبب لي ازمه
وودي لو كل حياتي تصير كيبورد ويقرون كلامي الناس
ماودي اتكلم لووووووول
اخر شي ابي اقوله لانه النوم بدى يلعب بعيوني :)
احب اقول كلام لإنسانه من أعز الناس على قلبي
أعز صديقاتي وأوفاهم
ريميتي
مادري هي بتشوف هالكلام او لا بس شي بخاطري ودي اقوله
رييمووو
وحشتيــــني
أدري اني مقصره في حقك واني مااسئل عنك كثير مثل ماانتي تسئلين
بس يعلم الله انك في بالي دايم
بس مثل ماقلت هي مشكله عندي في التواصل
وحشتييني ووحشتني ايامك وسوالفك
وحشتني سواليفك
ووحشة شوفتك أكثر
كل ليلة مع طيفك
حبيب الروح انا اتحسر
وحشتني سواليفك :)
والحين يالله
تصبحون على خير :)