To Be HaPpY JuSt SmiLe ^_^

مزاجي

..

السبت، 22 ديسمبر 2007

الحمدلله على سلامتي :)

السلاام عليكم
كيفكم وش اخباركم
كل عام وانتوا بخير مره ثانيه :)
امس بالليل وصلت من الشرقيه
وانا الحين بجده
سفرة كانت حلوة الحمدلله
صحيح ماصارت مثل ماخططت لها
فيه اماكن ماامداني اروح لها
وفيه ناس ماشفتهم
وبعضهم شفتهم ومالحقت اجلس معهم
بس مجملا كان كل شي اوكي
الحين بكمل عيدي في جده وراجعة لكم بعد كم يوم
ان شاء الله
:)

الأحد، 9 ديسمبر 2007

توصي شي انا بكرة مسافر

السلام عليكم
كيفكم وش اخباركم ؟؟
بكره ماشية للخبر ان شاء الله <=قمة السعادة :D
حبيت اسلم عليكم قبل لاامشي
واعذروني اني كنت مقصره اليومين اللي راحت ولازرت اي مدونه
واعذروني الفتره الجاية
لاني بنقطع
واحتمال اغيب لبعد العيد :)
عشان كذا
كل عام وانتوا بخير مقدما
فمان الله

الأربعاء، 5 ديسمبر 2007

بذمتك ,, عاد قلبك مثل ماخابر؟؟

من أجمل أغاني أصيل بالنسبة لي
ادخل جو معها
وممكن اتهور واصيح لووووول
بذمتك عاد قلبك مثل ماخابر؟؟
يحس فيني يتفاعل مع أخباري
والا نسيت الغرام وحبي الطاهر
ماعاد لي في خيالك صورة أو طاري
مرت علي ظروف تكدر الخاطر
فيني درى من درى وانت ولا داري
ماادري تجاهلتني أو قلبك يكابر
والا شعورك غفى عن فكري الساري
كل يوم طيفك معي في ناظري حاضر
أشكي له الحال واكشف له عن اسراري
مابلغك عن عناي وشوقي الحاير
او ماحفر فيك مجموعة أشعاري
محبتك في فؤادي مالها اخر
مهما افترقنا وغبت انت عن انظاري
انت حياتي ويومي وامسي وباكر
وانت المطر والشجر والشمس وأقماري
شعور مهما اكتمه في صورتي ظاهر
يغني عن البوح والشكوى واعذاري
وان كنت بـ الحال مااانت داري وشاعر
هذي حروفي وهذي اخباري
بذمتك عاد قلبك مثل مااخابر ؟؟

الاثنين، 3 ديسمبر 2007

الهوى شرقي وقلبي هاوي الشرقية:)

السلام عليكم

كيفكم ان شاء الله بخير

*****

في مثل هاليوم الاسبوع الجاي (الاثنين)

راح اكون في الخبر ان شاء الله

متحمسسسسه بقوووة لهالسفرة

للي مايعرفني

انا عشت عمري كله بالشرقيه ومن سنه ونص نقلت لجده :)

والشرقيه بالنسبه لي مثل الهوا اللي اتنفسه طبيعي كل شخص يحب البلد اللي انولد فيه

وصدق من قال

الهوى شرقي وقلبي هاوي الشرقيه

صار لي سنه انتظر هالسفره كل مااخطط لها يصير شي يكنسلها

بس الحين ان شاء الله ماتتكنسل

التيكت بيدي وكل شي اوكي للحين D:

بس على كثر ماتحمست لهالسفرة

على كثر ماني شايله همها

ماتخيل اني بكون في الخبر من غير الغالي

(الله يرحمك ويغفر لك ياارب )

مااتخيل كيف بمشي في شوراعها واسترجع ذكرياتي

مااتخيل اني اكون فيها ومااكون في بيتنا وفي غرفتي

مااتخيل اني مااقوم الصبح واروح للجامعه والقى صديقاتي ينتظروني

بروح لها زياره اتأمل كل مكان لي فيه ذكرى

خصوصا المكان اللي نجلس فيه انا وصديقاتي

واللي فاجئوني مره وكانوا مسوين لي عيد ميلاد

بس للاسف من غير شموع الجو كان قوي وماقدرنا نشغل الشموع

لوووووول

Image Hosted by مركز تحميل الحيالة

أنواع الحوسة والهوا اللي يطير كل شي

حتى انا بغيت اطير خخخخخخخ

الصورة اخذتها قبل الترتيب بعدين الشي لو ماكان مرتب يطلع احلى D:

*************

ماعرف هل بتكونين قريبه مني ياخبر كعادتك

او بحسك غريبه عني

كان ودي اعيد فيها

بس سفرتنا راح تكون 10 ايام بس

قلت لأمي انا بجلس اعيد واجي بعدين

قالت كيفك وحطيت هالشي في بالي

بعدين غيرت رايي

قلت عيد في الخبر

ومن غير أهلي

من غير أمي

مستحييييييل

اول ماتخيلت الموقف رحت اركض لها وسلمت عليها وقلت

برجع معك وأعيد معك

جد هي عيدي

اهداء للغالية

لاحد يعلق مرره احب هالاغنيه <= مادري هي اغنية والا شي ثاني

لووووووول

*************

من الحين اقولكم

,

,,

اللي يبي شي من الشرقيه يقولي الحين

استقبل الطلبات الى الاحد الجاي

لوووووووووووووول

واتمنى من كل قلبي اني استانس في السفره

يااارب :)

الجمعة، 30 نوفمبر 2007

كوكتيل :)

السلام عليكم

كيفكم ان شالله بخير

التاريخ November 30th 2007
<=ماجبتي شي جديد لووووووووول هذي التدوينه الـ15 لي في هالشهر
حطيت في بالي اني انزل 15 تدوينه في هالشهر بمعدل بوست كل يومين
وسويتها هع هع<= من تمسيكاتي الغلط D:
*******
فاصل صغير
سواها قلبي ياحبيبي وحبك ماطاعني وانا عن الحب ناهيه
الظاهر انه مايبي غير قربك عاف الجميع واول الناس راعيه
عليه مااوصيك لا صار جنبك صبح عليه بحب وبحب مسيه
نبضه وفا وبتضحياته يعجبك صافي ولكن مالقى من يصفيه
<= ممسكه معي هالاغنيه اليوم :D
***********
نرجع لأول موضوع بتكلم عنه اليوم
قبل اسبوع تقريبا
دخلت لعالم التدويين انسانه عزيزه علي
My Best Friend
ReeM
ス ♥•:*'˙ كبــريــاء جــرح˙*:•♥ス
انسانه صاحبة قلم رائع واحساس مرهف
كانت في حالة ملل وقلت لها دوني واكتبي اللي تبينه واقتنعت بسرعه
ماشالله عليها تسمع الكلام <= الزهق مسوي فعايله فيها لوووووووووول
***********
فاصل ثاني ‏ ‏
(كنت اشوفك)شخص عادي .. زي باقي الناس حالك
و (كنت اجاوب )ماشي حالي .. يوم تسأل كيف حالك..؟
لين ماشفت..(اهتمامك) و(ارتباكك ) في كلامك..
وقتها .. حسيت عيني.. دوم تشتاااق (لوصالك)
بعد ماشفت الحقيقه في عيونك ..‏ ‏ (ياعيوني)
صار احساسي وغرامي في غيابك ..‏ ‏ (يسألوني)
ليه نشتاق فغيابه..؟؟؟وليه نرتاح لعذاااابه..؟؟؟
واكتشفت اني.. ‏(‏(( احبك ))) دون ماادري ياجنوني..!!!
**********
بااك مره ثانيه :)
همسة فوتوشوبية :)
لا خذلك الوقت يا قلبي ابتسم الزمن طبعه كذا فرحه وهم
لملم جروحك وخل ما فيك فيك يوم لك يا قلبي وعشرة عليك
من قديم الوقت والدنيا كذا الفرح متبوع دايم بالأذى
مستوى وضع الأصابع في إيديك يوم لك يا قلبي وعشرة عليك
للأسف ما طعت شوري يا العنيد كل يوم تزيدني جرح جديد
إنت باليني وحظك مبتليك يوم لك يا قلبي وعشرة عليك
Image Hosted by مركز تحميل الحيالة
للتنبيه
مو من تصميمي :)
*********
فاصل جديد D:

بس هالمره الفاصل صورة
Image Hosted by مركز تحميل الحيالة
تنبيه جديد مو خطي لووووووول
*************
نرجع لأخر موضوع ابي اتكلم عنه :)
قبل كم يوم زارني شخص في المدونه وحاط لي رابط لموضوع من مواضيعه في المدونه وطلب مني اشارك فيه
دخلت وشاركت عادي بعدين قلت خليني اشوف اخر بوست كتبه لان الموضوع اللي دخلته كان قديم
وانصدمت من اول بوست له كان خاطره لي ناسخها ومن غير مايحط اسمي او يعطيني خبر:S
وتفاجأت ان اغلب المواضيع من مدونات ثانيه
اتوقع هو قصده انه يجمع المواضيع اللي عجبته لان اسم المدونه منوعات
بس المفروض انه يعطي خبر لاصحابها ويستأذن والا وش رايكم ؟؟
اترك التعليق لكم :)
فاصل الوداع :D
احســب السالفهـ ( نظــرهـ).. احســـب ان الغــرام ( اعجـاااب).. الين صرت/ بغيـأبكـ .. اضيق بداخـــل ثيـــابي
وخلص بوستي الاخير :)
ان شالله يعجبكم ومااكون ثقلت عليكم :)

الأربعاء، 28 نوفمبر 2007

المسرحية الهزلية

خاطرة جديدة أتمنى إنها تعجبكم :)
************
تصفيق حار ..
يا أشطر الشطار
تصفيق حار,,
بشطارتك غيرت المسار
تصفيق حار,,
فعلا ابدعت في الدور
تصفيق حار,,
تقدر تكون فنان مشهور
,,,
مثلت وفي الدور ابدعت
جرحت وأهنت وخدعت
لازم أصفق لك بكل حرارة
التصفيق ماهو في تمثيلك خسارة
كان دورك حيل بارع
أتقنته وبكل جدارة
ماقدر اتخيل انك صرت بايع
وفي دنيا الكذب احتليت الصدارة
مادري اضحك والا ابكي
انسى همومي والا اشكي
بعثرتني الله يبعثرك
على الكذب انا اشكرك
اخيرا شلت القناع
اللي غطى كذبك والخداع
تحاول تضحك علي
ريح أعصابك ياجبان
عرفتك وعرفت من تكون
من بعد حبي والحنان
جيت تحطم هالسكون
وتقول ماهو انا اللي فـ خيالك
ماهو انا اللي شغل فكرك وبالك
تتوقع إني اصدقك؟
والله لو قلت الشمس في وقت المغيب
تغيب
والحب يحتاج الحبيب
مااصدقك,,,
,,,,
ترى
الجرح لاجا من قريب ,,يجرح
والحب لا زار الغريب,,,يفرح
بس انت حطمت كل معنى الفرح
,,,
,,,
اظن انك بلحظة غباء ظنيتني أغليك
سألتني وقلت لك بشوية ذكاء
ماتشوفني أموت فيك!!
لاتصدق يالجروح
حتى انا أضحك عليك
شفتك تكذب الكذبة وتصدقها
قلت أكذب بعد وشمعتك أحرقها
كذبت وقلت ايه أحبك
للاسف منك تعلمت الكذب
مصدق اني احبك؟
ليه وش فيك ينحب؟
ضيعت حياتك كلها في ضحك ولعب
ان كنت مامليت ترى مل مني التعب
ضيعت كنز كان مابين أياديك
وضيعت احساس حيل كبير عليك
مثل الطفل لـ اجل (الحلاوة) يرمي الذهب
طفلٍ صغير تفكيره بس في اللعب
بس الفرق ان الطفل يكبر
وانت طول عمرك صغير
مهما حاولت في هالكسر تجبر
بتظل في عيوني حقير
وانت بالنسبه لي نهاية لقصة ماابتدت
مثل الاحلام اللي صحيت منها وانتهت
وسلامتكم

الاثنين، 26 نوفمبر 2007

أنا مادري من المخطي ولا ودي نزيد عتاب,,,عطيتك قلب ياقلبي ليتك بس داريته

تدري وش أصعب اللحظات ؟
لحظة يخدعكـ فيها حبيبكـ ...
بعد ماتعطيهـ عمركـ .. روحكـ ..
احساسكـ وحبكـ ..تكتشف في لحظة انهـ ..
كان يلعبـ بس في قلبكـ !!
تصغر الدنيا في عينكـ ..
والهنا يصبح ألمــ والي عيشتهـ بغرامكـ ..
عيشكـ بأكبر وهمــ ـ
****************
ضميرك وانت حر ورووح
ترى ماهوو سهل دمعي
إذا كان الكذب مسموح
في شرعك عيب في شرعي
وانا لايمكن اتنازل او ارفع كفي واهزه
ذهابك مايأثر بي وغرورك زادني عزه
*********************
ما تغيَّر شي لكن .. صار فاضي هالمكان
يعني إنتَ شفت قلبي طحت مِنْ عيني وعينه
[ كان ] لك قلبي مدينه ولاحظ إني قلت : كان
يعني إنتَ الحين واحد خارج حدود [ المدينه ]
ليه مستغرب كلامي وليه أعطيك الأمان
وليه تَكْذِب في كلامك العذر وينك ووينه
ما ألومك كان قلبك ثارت أمواجه وخان
الخطا منَّي لأني صرت في بحرك سفينه
والسؤال اللَّي كتمتـه وما نِطَق فيه اللسان
كيف يدك طعنتني وآنا أحْسِبْهَا أمينه ..؟
**********************
آسـف ترانـي نـاوي اليـــوم أبنـســــاك======
وبنسى بعــد ذكـراك وأنسى وجــودك
خـدعتني بسم الغــلا ومني الغــلا جاك======
وأناالـذي قد صنت ماضــي عهــودك
عيشـتـنــي بأحـــلام وأوهــــام دنـــياك======
وجرحتنـي بغــدرك وخافـي صـدودك
كنت أحسب أني عايــش بصــدق وياك======
واثـري معــك عايـش كـذبـة وعــودك
عجـزت أناأقـوى نازف الجرح يرجاك======
تبعــد وأببعــد عــن دروبــي حــدودك
صاحبك قلبـه قد مـحى اليــوم ذكــراك======
ارحـل وشِاكـر ما مضى من جهـودك
آســف"ولانـي"آســف أنـي أبنـســــاك======
قلبــي نســى ذكـراك وأنكـر وجــودك
*******************
***
*
إهـــداااااااااااء
شفت وش علي النجوم
فوق هامات السحاب
عندها قدرك بيوم
طاح كالنجمة
*
**
*
شهـــــــــــاب

الجمعة، 23 نوفمبر 2007

باب الليل

ياليت تدق باب الليل ويفتح لك سهر عيني
وتدخل مجلس سنيني وتسمع وش يقول الحب
ياكل الحب في قلبي لاصرت الضيف
احبك كلمة تقصر إذا صار الحكي عنك
أحبك أكثر وأكثر وعساني مانحرم منك
حبيب العمر وين الناس؟ عسى لاباس؟
ترى في مسرح عيوني يغيب الكل
الا عيونك الجلاس
تعال وغيب وتأخر وسافر وارجع وعاتب
تغلى واهجر وازعل وقول انك علي كاذب
الين خنتك ولو في البال واني قلت في لحظة
غيابك ماابيه وصار
ياكذبي لو بقول أنساك ياساكن في هنا وهناك
انا من كثر مااحبك تمر وتاخذك عيني
يوقف قلبي يستناك
أحبك كلمة تقصر الى صار الحكي عنك
أحبك أكثر وأكثر وعساني مانحرم منك
ياليت تدق
غناء أحلام :)

الخميس، 22 نوفمبر 2007

الف رحمة عليك يالغالي :(


عندما عجزت أن اخفي حزني

وعجزت أن امحوا جراحي

وعجزت عيوني عن ذرف الدموع

لجأت إلى دفتري وقلمي

لأكتب ما عجزت أن أفعله

قد لا تصلكم كلماتي بنفس احساسي

لأنني مع كل حرف اكتبه انزف جرحا جديدا

واستطيع القول انها كلمات خططتها بدمي ودمعي وليس بقلمي

واتمنى ان تصلكم مثلما اردت أن تصل



انتهى العمريا أبوي وسامحني على التقصير

هي كذا الدنيا رحلة مداها قصير

ظلم البيت بغيابك يا عسى ربي يمنع عذابك

عسى المرض كان لذنوبك التكفير

وعسى رضا ربي عنك كبير

وإحنا معنا الله وبحالنا بصير

عسى لا إله إلا الله قولك

عساه في الجنة نزولك

وعسى كل المؤمنين حولك

عسى ربي يغفرلك يا كل من في الوجود

كثرركعات المصلين وكثر السجود

يا عسى يرحمك ربنا المعبود

عساك بالقول تثبت

وبلا إله إلا الله تشهد

عساه النور في قبرك

عسى الله يعوضك صبرك

وعساه دوم زايد ٍ أجرك

يا عسى كل ذنوبك مغفورة

وترى ذكراك في قلوبنا محفورة

وعليك بالصبر يا يمه
وصبرك فيه مأجورة

آه يا يمه سامحيني ما بكيته

آه يايمه اعذريني حتى حقه ما وفيته

كنا نغفل عن غلاته عن حقوقه في حياته

كنا نزعل من كلامه كان يضايقنا ملامه

ما درينا إن هذا خوف

ما حسبنا حساب لها لظروف

كنا نتضايق و نزعل
كنا نبعد وهو يسأل

احس بحرقة في صدري

ولوعة في الضلوع تسري

هو حزن و الا ندم و الا ألم ما ادري

حتى و أنا من أهلي قريبة
أحس إني بينهم مثل الغريبة

آه يا غربة الروح
تعبت من نزف الجروح

مليت من كثر العذاب
مليت من حرق الغياب

مليت من وهم السراب
مليت عيشة الأغراب

مليت من حياتي و دنياي

مليت عيشة الغربة
ما في أحد وياي

توني أفهم معنى كلمة
يا أبوي ما في أحد يسواك

انت عمري انت كلي
وما حدن ياخذ غلاك

اذكر انه مرة قال

بنتي هذي لا تزعلوها

لا تضايقوها ولا تحاسبوها

ان كنتوا ما تدرون هذي

دلــــــــــــوعة أبـــــــــوهـــــــــا

ما حدن يعوض مكانك
لا هو عم ولا هو خال

وما حد يعيش بزمانك
قصر الزمن و الا طال

مرة و إحنا جالسين
وهو يتكلم حزين

(( المنية قربت ليت ربي يبلغني و أشوفك عروس))

ياني تضايقت و زعلت
قلت: يا يبه ليه العبوس

بتزفني بنفسك وبتشوفني عروس

وبتفرح فينا واحد ورى الثاني

ضحك وقال : عسى ربي يحقق هالاماني

ما فهمت إن هذا احساسه بموته

ما انتبهت لنبرة الصدق اللي في صوته

حزني عليه أكبر من كلام ٍ أكتبه

جرحي أعظم من حروف ٍ تحسبه

حتى أبوي ما توفيه هالكلمتين

لأن احساسي بحبه
داخل بصدري دفين

كل اللي أقدر أقوله

إن جرحي أنزفه

بس ما أقدر أطوله

بس لازم نتحدى الظروف

وما نحس بأي خوف

هذي هي أصعــــــب بطوووولة

بس ما ننسى أبونا

والله يعوضنا بأخونا



وسلامتكم


الخاطرة كتبتها بعد ماتوفى الوالد بخمس أيام :(


يعني الحين صار لها سنة ونص تقريبا


كتبتها وماقدرت اراجعها او اعدل فيها كنت ابيها
فضفضه اكثر من انها خاطره موزونة ومنظمة

تعمدت اخليها كذا ولا اغير فيها شي


كانت هي دموعي لاني ماقدرت اصيح وقتها


اتمنى انها تعجبكم :)




الله يرحمك ويغفر لك يا أبوي





الأربعاء، 21 نوفمبر 2007

بقلم الغير 3 غيداء

سلاام

كيفكم وش اخباركم
رجعنا لـ بقلم الغير
قبل لااتكلم عن الضحية الجديدة
ابي اشكر كل من زار اخر بوست نزلته
جد ردودكم حمستني مررره :D
نجي لضحيتنا اللي هي غيداء
4-Red

تعرفت عليها عن طريق مدونتها :)
ماتكلمت معها الا 3 مرات تقريبا
بس يشهد الله انها دخلت قلبي :$
مره وانا اتكلم معها تناقشت معها في مضوع تناقشته مع كثير غيرها وماحد اقنعني زيها
غيوده انتظر اللي اتفقنا عليه ;)
اختارت ان يكون موضوعها قسمين
اول قسم خبر قرته وعجبها مره
وحطته في بالها :]
الجزء الأول
أصدرت محكمة حكما بالإعدام على امرأة صينية قتلت عشيقها بـ«قبلة مسمومة»
بعد أن اشتبهت في انه غير مخلص لها. <<< والله انها رهيييبة
وقالت صحيفة «شنغهاي ديلي» حسب تقرير لـ«رويترز»، إن جيا جينفنج،
وهي من منطقة ماولو في اقليم هينان بوسط الصين،
مررت عبر فمها كبسولة مليئة بسم الفئران الى فم عشيقها ماو انشنج أثناء القبلة ..
!!وابتلع ماو الكبسولة وسرعان ما لقي حتفه...
وقالت الصحيفة «العاشقان كانا اتفقا على انه إذا خان أي منهما الآخر، فإنه يستحق الموت».
وعلمت المرأة أن عشيقها كان «يتحدث» مع امرأة أخرى، وظنت أنه خان العهد.
ولا شك في أن جيا جينفنج، قاتلة «ماو»، ستدخل تاريخ «النساء القاتلات»
من باب لم يخطر لأحد مجرد التفكير فيه. .!
فكيف تأتى لها أن تحتمل وجود «سم الفأر» في فمها
لتوجه به لعشيقها «القبلة الموقوتة الأخيرة» القاتلة ..!!
ماقول غير الله يعين اللي يخونك ياغيداء لوووول
الجزء الثاني
بالأمس ' الثلاثاء ' كنت أقوم بحل واجب 'جامعي ' مطلوب تسلميه اليوم ' الاربعاء '
و كان الواجب يتطلب رسم جداول لبعض الحسابات و عاده رسم الجداول يحتاج ' مسطره ' و قلم
وبما أن' مقلمتي ' منذ صغري تفتقر لوجود ' المسطره ' لعدم توافقي مع عملها و تقبلي لوجودها
أخذت بالتفكير كيقف سأقوم الان بتسطير جدول لكتابه الحل
لفت نظري وجود ورقه ذات سمك بسيط '
نموذج طلب الالتحاق بالدراسات العليا ' كنت قد أخذتها من الجامعه لتعبئتها و التقدم بطلبي أستعنت بها كـ مسطره !
Image Hosted by مركز تحميل الحيالة
تذكرت في لحظه مروري و قرائتي لموضوع عن امكانيه رسم خط مستقيم بالقلم بدون الحاجه الى المسطره شركه أسبانيه وفرت تقنيه تسمح لك برسم خطوط مستقيمه بدون استخدام المسطره Tecnilinea
Image Hosted by مركز تحميل الحيالة
الفكره هنا هي في الورق المستخدم للكتابه عليه فالورقه عباره عن مربعات صغيره بنفس الحجم متباعده كل مربع يبعد عن الاخر حوالي نصف مليمتر
بحيث يسمح للقلم المرور من خلال هذه الفراغات و ملئها بالحبر
موقع الشركه يحتوي شرح فيديو لهذه التقنيه :)
فكره جميله أتمنى الحصول عليها
ان شالله تحصلين عليها غيوده :)

الاثنين، 19 نوفمبر 2007

رسالة إلى مجهول

السلام عليكم
كيفكم وش اخباركم ان شالله بخير
البوست هالمره غير
غيرانه من جده وقلت لازم اكون غير زيها
وحده فاضية عندها اجازة اسبوع
ماسنجر زعلان ومايبي يفتح من كم يوم حارمني ادخله :"(
يعني بالعربي
((لادوام ولا ماسنجر يضيع الوقت))
مالك الا مدونتك يابنت وابدعي
عاد فكرت وش انزل
وقررت انزل شي كتبته امس
يعني حديث الولاده وطازه مرررره
شي لاهو خاطرة ولا هو موضوع عام
اقدر اعتبرها صفحة من دفتر مذكراتي اللي مااكتبها
شي انكتب بالغلط وشقيت الورقه ولصقتها لكم هنا
اخليكم مع ثرثرتي :)
*******************
لا اعلم من أين ابتدئ,,,لأنها ليست رسالة بمعنى الرسالة,,
أنها مجرد فضفضة ,,, بعض الأمور تلك التي تولد في داخلي شعور غريب ,,
مشاعر مضطربة تجول في أنحائي لتبعثرني بين الفينة والأخرى
لا أعلم لماذا تحاول بكل جهدك بأن تنكر ذاتك؟ ذاتك التي شدتني إليك
لتعلم ,, انه ليس هناك ما هو جدير بـ لفت انتباهي لك
ولا ما يستدعيني للتفكير بك ,, ولم أجد بك الشيء الذي شدني إليك
وسلب فكري مني ليجعله أسير خيالك
رغم هذا أجدني لا أتوقف عن الشرود من الواقع والهروب للخيال
والتغلغل فيك ,, ومنك
لم أكن اعرف عنك سوى اسمك
وكلمات المديح التي كانت من نصيبك
بلسان من حولي
لم أراك إلا في صورةٍ علقت على جدار بيتكم
لكني على يقين بأني لو رأيتك لعرفتك
مالذي حصل لي ؟ لماذا أصبحت جزءً لا يتجزء من حياتي؟
لا أعني بكلامي بأني أحبك ,
أنه ليس حبا ما أشعر به تجاهك
لكنه شعور غريب ينتابني عند ذكرك
لا أدري تحت أي مسمى استطيع إدراجه ؟
لكنه مزيج من إعجاب واعتزاز وابتسامة على الوجه
بالرغم أنك لم تكن تعني لي شي في السابق
إلى أن رأيتك بالصدفة في يوم ما,,
لا أعلم هل لفتت انتباهك حينها ؟
أم أني مررت من أمامك مرور الكرام ؟
لا أعلم فكل ما أدركه بأني استطعت التحديق في عينيك
لم يكن تحديقاً بمعنى التحديق
لكنها كانت نظرة ,, نظرة كافية بأن تطبع صورتك في مخيلتي
شاءت الأقدار بأن تجمعنا مرة أخرى لنلتقي
لكن الظروف كانت أقوى من أن تجعلني اشعر بوجودك أمامي
لكني رأيت محاولتك بإبعادي عن محيطك
أو محيط الحزن الذي ساد جميع أنحاء ذلك المكان المشئوم
الذي أتيت له بإرادتك لتشاركنا حزننا
لا أعلم لماذا حاولت إبعادي وقتها ؟
هل لضعفك أمام الدموع التي انهمرت من عيناي؟
أم أنها محاولة من المشاركة الوجدانية لذلك الجو الكئيب الذي جمعنا؟
لا اعتقد بأن تصرفك نبع من وراء شعور أو إحساس
لأني أكاد أجزم بأن الماثلة أمامك حينها لم تكن سوى فتاة
لا تعلم من تكون وما الذي بداخلها
بل يراودني الشك بأنك تجهل حتى اسمها
حكمت ظروف كلاً منا بالانتقال والمكث في نفس المكان
بالرغم من ذلك لمن نلتقي أبداً
لا اخفي عليك بأني لم أكن أبالي بلقائنا
ولم أهتم به ولم أتمنى حدوثه
فلم تكن تعني لي شيئا
لكن بحكم الظروف التي جمعتنا زادت كلمات المديح
التي وُصفْتَ بها
مما جعلني أقف حائرة لـ أفكر برفيق الصدف
الذي استولى على إعجاب جميع من حولي
كان يشغل تفكيري لـ لحظات بعد أن يمر ذكره أمامي
إنها لحظات فقط ويتلاشى طيفه من خيالي
أتت الصدفة الثالثة التي لم أكن أتوقعها ,, عندما غادرت ذلك المنزل
لأرى أمامي ذلك العدد المهول من الرجال,,
اكتفيت بالنظر للأسفل والمغادرة
رغم أنه من البديهي وجوده بينهم
بحكم صلة القرابة التي تجمعه مع أهل المكان
إلا أني لم أبالي بالعكس فإني لم أفكر في ذلك مطلقاً
إلى أن سمعت من يناديه باسمه,,
لا أدري لماذا ألتفت لأراه؟
ولا أدري لما جالت عيناي في المكان للبحث عنه حتى وجدت عيني ضالتها؟
هل هي نظرة للتأكيد؟ أم لكي أضيفها إلى عالم الصدف
كان يتجول في أرجاء المكان وهاتفه بيده ويتحدث
تبدو بأنها مكالمة مهمة فقد طبعت أهميتها على ملامحه
وغادرت
وغادر طيفه من مخيلتي ,, وتلاشى ذكره مع طيفه
تتوالى الصدف لتجمعنا
الصدفة تلو الأخرى,, لا أدري ما سبب تلك الصدف
وهل انتهت؟ أم أن القدر يخبئ لنا مزيداً منها ؟
ظننت بأنها انتهت
إلى أن حدث ذلك الأمر الغريب الذي جمعنا
لا أعلم هل هي صدفة جديدة؟
أم أن خيالي ترجم التشابهات كما يريد
أنا لا أدري من تكون؟
أأنت رفيق الصدف؟
أم أنك شبيهٌُ من أشباهه الأربعين؟
إن كنت شبيهه فلا أظن بأن هناك ثالثٌ لكم
لا أعتقد بأن هناك من تتشابه
أشكالهم وظروفهم وتفاصيل حياتهم
تحاول إقناعي بأنه مجرد تشابه
خلقه الله بين شخصين
وأن الصدفة هي من وضعت الاثنان في طريقي
فيرفض قلبي ذلك
هو وحده رفيق الصدف لا أعتقد بأن هناك من سيشاطره هذا اللقب
أبى قلبي بأن يصدق حدوث مثل هذه الصدفة
صدفة التشابه
بل إنه يعتقد بأنها صدفة اللقاء الرابعة
محاولة إنكاره تأتي في كفة
ويقابلها في الكفة الأخرى إحساسي برفض ذلك التشابه
ويقيني بأنه هو من لقبته بـ
((رفيق الصدف))
تحاول الإنكار مراراً وارفض إنكارك
هل هي رغبة بالانتماء فقط؟
أم رغبة بالهروب منك لك؟
أم رغبة في الصدفة الرابعة؟
أم انه إحساس صادق؟
لا أعلم فجميعها رغبات متضادة
على الرغم بأني لم أجد بك ما توقعت أن أجده في
رفيق الصدف
ولكنه شعور يسير في أنحائي يخبرني بأنك هو
لا أعلم لماذا ؟
حاولت الاقتناع فأبى قلبي ذلك
فإحساسه دائما صائب لا يخيب
أثق دوما بإحساسه فهو لا يخذلني
فكيف يقتنع وكل ما حوله يشير بأنك هو
سوى عبارتك
((إنني لست من تعنين))
لا أخفي عليك بأني لم أصدقك
عجباً لك يا أيها المجهول
لما كل هذا الإنكار؟
إن كان سببه الخوف فأضف إليه خوف وُلِدَ فيني منك
لم أخف منك في بادئ الأمر
صارحتك بكل ما يجول في فكري
تعاملت معك بكل عفوية
فتحت لك كتابي لتقرأ سطوره
في المقابل سلمتني كتابا ليس لك لأقرأه
ولم تكتفي بذلك فقط
بل تعمدت تمزيق صفحتك من كتابي
وتشويه ما تستطيع تشويهه
كتلة من التناقضات أجدها فيك
لا أجيد التعامل معك ولا مع مزاجيتك
فكان الحل الأفضل والأنسب هو الانسحاب
قررت الابتعاد لأجل الاحتفاظ بما تبقى من صورة رُسِمتْ
في مخيلتي لـ
((رفيق الصدف))
حصل لي ما أريده فقد افترقنا
وأنت من اخترت هذا الشيء
فأنا لا أجيد فن الإخفاء ولا إنكار ما أشعر به
قد أزعجتك صراحتي
فاخترت الهروب
لكني في حيرة من أمري
لما اخترت أن تكون النهاية
هي تشويه أجمل خيال سكن في ذاكرتي
اعتقد بأنها غلطتي لأني سمحت لك بمشاركتي فكري
سلمت لك الفرشاة لتساعدني في تلوين الصورة
لكنك استخدمتها أسوء استغلال
فقد شوهتها وأخفيت معالمها
لماذا تحاول أن تخالفه في كل صفاته
التي طالما سمعت عنها
العجيب من حولي أيضا قالوا عنك
ما هذا الشخص الغامض غريب الأطوار
هناك من يمدح
((رفيق الصدف ))
وهناك من يذمك أيها الشخص المجهول
أين هي الحقيقة ؟ أظن أنها بالخيال
تناقضات كثيرة لا أدري أهي الاختلافات بين شخصين؟؟
أم التناقضات في شخص واحد؟؟

في آخر سطوري أريد البوح لك بشيء مهم
لا تعتقد بأن رسالتي لك كانت لإرجاع أمر قد انتهى
لا فقد كانت مجرد فضفضة عن شيء عجزت عن كتمانه
فلم اعتد أن اكتم (شيئاً) في داخلي
لك أن تعتبرها ما تشاء
إما إحساس صادق
وإما ثرثرة تفوهت بها تلك المراهقة كما نعتني
فهي بالنسبة لي كنقطة نهاية لقصة لم تبتدئ
سأكتفي بـ ما تبقى من إستفهام يـولد لأجلك
وأنت افعل ما تريد بكلماتي التي قد تثير غضبك
وتجعلك تفقد أعصابك وثباتك
وتفقد السيطرة على تصرفاتك وألفاظك
مثل ما حصل سابقا

إلى اللقاء
يا قدرا لم يكتب
,,

الجمعة، 16 نوفمبر 2007

الطيبة

Image Hosted by مركز تحميل الحيالة
اليوم بوستي بتكلم فيه شوي عندي كلام ابي اقوله
فيه موضوع في بالي من فتره ابي اتكلم عنه وكنت انتظر الغزال ترووق
:Dوراقت اخيرا
وترى بتكلم بالعاميه تحملوني :)
الطيبة

كانت الطيبه في الماضي ميزة ووسام شرف على اللي يمتاز فيها
بس الحين وبهالايام صارت عيب

هل الطيبة هالايام تخلي الناس يستغلون صاحبها؟
هل نعتبرها ضعف شخصيه ؟

نسمع دايم
((فلان لعبت فيه طيبته الزائده))
هل للطيبه مقياس معين وحدود واضحه لازم مانتعداها؟

او نسمع
((فلان طيب وينضحك عليه))
ليه هي طيبة أو غباء ؟؟

((فلان طيب ومايزعل))
عادي انت زعله واجرحه واستغله لانه طيب مايزعل !!
هل انحكم على الطيبة في زمننا بأنها غباء وضعف شخصية
هذي الصفة الوحيدة اللي صرنا نشوفها في الانسان الطيب ؟
مافي اي مميزات فيه اخذها من طيبته ؟
العيب في الزمن والا في الناس؟

لو جرحك احد او غلط بحقك وفكرت تسامحه تسمع اللي يقولك
((لاتصير طيب بزيادة))
ومع الوقت تلقى نفسك تردد هالكلمة لنفسك
يمكن من كثر الصدمات او الجروح اللي ناخذها من اشخاص قريبين لنا
؟ماعرف :D
بس بالنسبه لي
طيبة القلب شي رائع بس يصيرمصيبة لما يوصل لحد السذاجة والاستغفال
لانها اكيد راح تصير ضدك وتنقلب عليك

وانا اقرى في احد صفحات الشعر في النت لفت انتباهي شعر صغنون بس كلامه غريب
غلطانه أمي يوم على الطيب ربتني
تحسب ناسي مثل ناسها طيبين
قالت سامحي كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هذا يا يمه واقع زماني
نفس إلي يضحك معي اليوم
بكره يطعني بسكين
******************
يجي السؤال المهم
هل نتعامل مع كل الناس بطيبتنا؟
والا لكل مقام مقال
يعني لكل شخص اسلوب في التعامل
هل كل الناس يستاهلون اننا نسامحهم؟ او على حسب الشخص؟

احس اني تكلمت كثير :D
يكفي كذا ان شالله ماكون طولت عليكم وان كلامي يعجبكم :)
Image Hosted by مركز تحميل الحيالة

الخميس، 15 نوفمبر 2007

."..,",. حـــلم في وسط النهار.,",..".

Image Hosted by مركز تحميل الحيالة
احدى خواطري اتمنى تعجبكم :)
ياللي انا وماعدت أنا
مليت من دنيا العنا
كل شي فيني تغير
وفيني احساسي تحير
ليه كل هذا الصدود
انطق مااطيق هذا الجمود
كل عذابي في حياتي هو منك
كن جرحي والتغلي هو فنك
كله منك كله منك
حتى دمعي شوفه بعيني انحبس
وانت حبك استوطن بقلبي وجلس
شفت الألم
شفت الشقا
شفت العذاب
شفت الهجر
شفت الصدود
شفت الغياب
ومو بس كذا وريتني حتى العنا
وليته كفاك نسيتني عمر الهنا
وش تبي أكثر من اللي خذيت
وانت عمرك ياحبيبي ماعطيت
خذ قلبك وهات قلبي
أو صح نسيت عمر قلبك ماكان جنبي
وبكلمة أحبك تضحك على احساسي
وبكل غباء تركض لك وتصدق أنفاسي
وبذكائك تقدر تنسيني الزعل
وبلحظة تروح ويرجع لي الملل
وارجع على نفس الأمل
انك تعود وترجع لي بعجل
وترجع من جديد تغيب
وش بيدي هذا اللي يسمونه النصيب
وينعاد نفس الموضوع الأكيد
اللي هو ... لحظة ياقلبي
فيه صوت يناديني بعيد
وفجأة التفت وسكت
ومن صدمتي قمت وضحكت
مافي حولي أحد
ولا أي مخلوق أبد
واثرها كل الحكاية
إني شفتك في المرايا
صرت أشوف نفسي فيك
جننتني حسبي الله عليك
كنت أبي أعاتب عيوني
ليه عيونه ماصاروا يبوني
ماصرتي تأثرين فيه
ماقام يشتاق لك ليه؟؟
بس شفت عطره وسرحت
وتخيلته قدامي وصحت
وطلع كل اللي صار
حلم في وسط النهار
وسلامتكم
Image Hosted by مركز تحميل الحيالة
Image Hosted by مركز تحميل الحيالة

الأربعاء، 14 نوفمبر 2007

اللهم آميــــــــــــن :)

Image Hosted by مركز تحميل الحيالة


Image Hosted by مركز تحميل الحيالة
Image Hosted by مركز تحميل الحيالة
:) لاتنسونا من دعائكم
Image Hosted by مركز تحميل الحيالة

الاثنين، 12 نوفمبر 2007

بقلم الغير2" هــــــــــل ؟؟" .

هذا الموضوع الثاني من
بقلم الغير
كان اختياري لانسانه عرفتها من فتره بسيطه
بس كل ماتكلمت معها احس اني اعرفها من زماان
فيه شي مشترك بيننا
لا مو شي
أشياااء
عمري ماشفتها بس
احسها قريبه مني بقوووووووووه
بنت احساسها مرهف بقووه تحس باللي حولها وتتأثر معهم
تقبل انها تشيل هموم غيرها عشان تخفف عنهم
وعشان تخفف عنهم ماتشكي لهم همها
تترجم كل مشاعرها بخواطر تتكلم عن نفسها

الـــروح الله يخليك لي يارب
الروح اختارت خاطره من خواطرها عشان انزلها هنا
اتمنى انها تعجبكم :)
هل ..!

حرفان يكونان عالم من
[ إستفهام ]
الحروف المستيقظه بداخلي ..
متبعثره !ممزقه !غااارقه

مستنجده بـ [ بيننا البقاء ]
تناغم الأشواق باللقاء والأحلام /
وصحوة الضمير بـ الندم !
والنداء بين الفينة و موتها !
والإحتراق الإحتراق الإحتراق بالجروح !
والإنهيار الإنهيار الإنهيار بالإجتياح !
غضبٌ على غضب
وتنهـدٌ بـِ أسف !
تمزق الحبال
وقسوة الجبال
والقنوت بالمحال

موت الضياء
و غياب الصفاء
و تلوث النقاء

حممٌ مثاره
وبراكين تنهار
و رعود متلئلئه
بـ تنفس الطعون !
مغمضه عيناي ، ملتحفه الأجفان
و الحب بداخلي
[ أبكمٌ موؤُد ! ]
طغى الظلمُ /وغشى الظلام /و رحل !
، الوداع / الغياب / الإنتظار !
رحلَ .....
[ البقاء بيننا ]
بسق الزيتَ بـ ضيائي !
وغشت الجروح ذكراك !
و طغت طغت طغت الألآم
بـ أماني وجودك !

عـذراً / لـ حبي ! المتأصل بـ جروحك !

باندثار .. الروح

السبت، 10 نوفمبر 2007

الله يكون في عون المعرس

السلام عليكم
هذي قصيده مره عجبتني
الله يكون في عون المعرس
!!
تخيلووووووو في وسط الحضور يدخل واحد ويقول قصيدة في العروسة للمعرس شنو بيكون ردة فعلــــــــهــ؟؟
أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي
تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها ..تنسّــــيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي
أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي
توصّــــى ... وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي
الله يكون في عونه جد