To Be HaPpY JuSt SmiLe ^_^

مزاجي

..

الأربعاء، 28 نوفمبر 2007

المسرحية الهزلية

خاطرة جديدة أتمنى إنها تعجبكم :)
************
تصفيق حار ..
يا أشطر الشطار
تصفيق حار,,
بشطارتك غيرت المسار
تصفيق حار,,
فعلا ابدعت في الدور
تصفيق حار,,
تقدر تكون فنان مشهور
,,,
مثلت وفي الدور ابدعت
جرحت وأهنت وخدعت
لازم أصفق لك بكل حرارة
التصفيق ماهو في تمثيلك خسارة
كان دورك حيل بارع
أتقنته وبكل جدارة
ماقدر اتخيل انك صرت بايع
وفي دنيا الكذب احتليت الصدارة
مادري اضحك والا ابكي
انسى همومي والا اشكي
بعثرتني الله يبعثرك
على الكذب انا اشكرك
اخيرا شلت القناع
اللي غطى كذبك والخداع
تحاول تضحك علي
ريح أعصابك ياجبان
عرفتك وعرفت من تكون
من بعد حبي والحنان
جيت تحطم هالسكون
وتقول ماهو انا اللي فـ خيالك
ماهو انا اللي شغل فكرك وبالك
تتوقع إني اصدقك؟
والله لو قلت الشمس في وقت المغيب
تغيب
والحب يحتاج الحبيب
مااصدقك,,,
,,,,
ترى
الجرح لاجا من قريب ,,يجرح
والحب لا زار الغريب,,,يفرح
بس انت حطمت كل معنى الفرح
,,,
,,,
اظن انك بلحظة غباء ظنيتني أغليك
سألتني وقلت لك بشوية ذكاء
ماتشوفني أموت فيك!!
لاتصدق يالجروح
حتى انا أضحك عليك
شفتك تكذب الكذبة وتصدقها
قلت أكذب بعد وشمعتك أحرقها
كذبت وقلت ايه أحبك
للاسف منك تعلمت الكذب
مصدق اني احبك؟
ليه وش فيك ينحب؟
ضيعت حياتك كلها في ضحك ولعب
ان كنت مامليت ترى مل مني التعب
ضيعت كنز كان مابين أياديك
وضيعت احساس حيل كبير عليك
مثل الطفل لـ اجل (الحلاوة) يرمي الذهب
طفلٍ صغير تفكيره بس في اللعب
بس الفرق ان الطفل يكبر
وانت طول عمرك صغير
مهما حاولت في هالكسر تجبر
بتظل في عيوني حقير
وانت بالنسبه لي نهاية لقصة ماابتدت
مثل الاحلام اللي صحيت منها وانتهت
وسلامتكم

هناك 21 تعليقًا:

alaneka يقول...

واااو ..

كلام قمه .. رائع جداً جداً ..


ابدعتي في توصيل الفكره بأقصر الطرق..

:
:


لك مني اشد الأعجاب :)

Rayan يقول...

كلماتك دائماً تضرب ع الوتر !

طفلٍ صغير تفكيره بس في اللعب
بس الفرق ان الطفل يكبر
وانت طول عمرك صغير
مهما حاولت في هالكسر تجبر
بتظل في عيوني حقير

عفارم عليك يا ( يا قلبي ابتسم ) :)

حلمي معي يقول...

ابدعتيييييييي ابدعتي
صراحه ما ني عارفه وش اقول عن هذه الكلمات مره مره مره رووووووعه

تسلمييييييين

ياقلبي ابتسم يقول...

alaneka

تسلمين على كلامك الحلوو

من ذوقك

ريان

عاش من شافك
يقولون من طول الغيبات ;)

يسعدني انها عجبتك

وتضرب عالوتر هذا المطلوب :D


نورتني :)


حلمي معي

شرفني حضورك

واهم شي انها عجبتك :)

حياك

بندر يقول...

قاسية شوية..

ولا هو يستاهل القسوة ؟

ス ♥•:*'˙ ريـــــمـــيــة˙*:•♥ス يقول...

مدخل وتوضيح

فكرة وبناء

مشاعر ساكنة ودافئة

يعني عذوبة فكر مترابط

وبالفعل كلماتك كانت كالسوط الذي يضرب على الوتـر.....

دام نزفك وعيا


أرق تحية

ريم

ياقلبي ابتسم يقول...

بندر

يستاهل ونص لووووول ;)

أكره شعور لمن تدري ان اللي قدامك يستغفلك ويضحك عليك وكل ماحاولت تبين له انك فاهم اللعبه يطلع لك بكذبه جديده فتضتطر انك تسكت لان الضرب في الميت حرام والا ؟؟

يسلمووو على زيارتك

ياقلبي ابتسم يقول...

ريميتي

ريم الغلا

ان شفت اسمك ابتسم لاشعوريا:)

ريميه مثل ماقلت لريان

المطلوب انها تضرب عالوتر لووووول ;)

حيااك

على نفسها جنت براقش يقول...

اظن انك بلحظة غباء ظنيتني أغليك
سألتني وقلت لك بشوية ذكاء
ماتشوفني أموت فيك!!

عجيبه

ذكاء و الا دهاء؟

ياقلبي ابتسم يقول...

براقش

لووووووووول

فكرت فيها وانا اكتب

بغيت اقول دهاء

بس الدهاء فيه خبث وغير كذا الدهاء يستخدم مع الاذكياء بس اما الناس الثانيين يكفيهم شوية ذكاء وينضحك عليهم ;)

<= خربتها

لوووووووول

يسلموو على مرورك

غير معرف يقول...

ميمـو

وااااااااو
مرررررةروووووووعه
تجنننن

كلمااتها قوويه مررة رووعه..

ياقلبي ابتسم يقول...

مييمووو
هلا والله

وحشتيني يابت

يسعدني انها عجبتك :)

لاتقاطعين

Aldenya يقول...

تصفيق حار لكل حرف خطه قلمك

تصفيق حار لكل إحساس إنتابك

تصفيق حار لإبداعك

ياقلبي ابتسم يقول...

الدنيا

تصفيق حار لكلماتك

وتصفيق احر لحضورك :)

يعطيك العافيه

صبا يقول...

ترى
الجرح لاجا من قريب ,,يجرح

وايد قوى هالبيت
أثر فيني بشكل خاص
فعلا الجرح لا كان من القريب يجرح أكثر
وبشكل فوق التثور

مشكورة اختى على الكلمات اللي كتبتيها

ياقلبي ابتسم يقول...

هلا صبا

عساك ماتشوفين الجرح ابد

يعطيك العافيه

مجموعة الامارات للانترنت يقول...

السلام عليكم

اه ه يا قلبي ابتسم

خواطركِ قوتها ترسم جمالها :)

ما شاءالله عليكِ

والسموحه على التاخر بالرد

تحياتي
بوخليفه

ياقلبي ابتسم يقول...

هلا والله بو خليفه

كنت انتظر زيارتك واخيرا جت :)
مسموح من غير ماتتعذر
حياك بأي وقت
يعطيك العافيه :)

بـابـل يقول...

مثل الطفل لـ اجل (الحلاوة) يرمي الذهب


ماشاااء الله على هالأحساس البركان

والله تمتعت بهالقصيدة اللي مكتوبة بخنجر نار

والله أحساسك حلو حلو حلو


بس القصيدة عنيفة مثل زعل البحر

تسلمين وأنشاء الله نشوف الأحلى وأحلى



وبس



بابل

ياقلبي ابتسم يقول...

بابل

يعطيك العافيه على مرورك وتعليقك
الحلو

مانحرم منه :)

محمد بن سالم/وتر يقول...
أزال أحد مشرفي المدونة هذا التعليق.