السلام عليكم
زوار مدونتي
خطرت فكره في بالي من فتره بسيطه وحبيت اطبقها واشوف راح تعجبكم او لا
الفكره هي
اني حبيت انوع الاقلام في مدونتي وقلت كل فتره راح اختار شخص يكتب بوست في مدونتي
وراح ينزل باسمه وتنسيقه
في البدايه راح اطبق الفكره على صديقاتي
ولو لقيت تشجيع راح اختار اشخاص من اصحاب المدونات
المطلوب من هالشي مثل ماقلت لكم تنويع الافكار للي مايعجبه طريقة كتابه معينه راح يحصل ستايلات ثانيه
اتمنى اني اكون وصلت الفكره صح وانها تعجبكم :)
هناك 10 تعليقات:
الفكرة حلوة و جديده واكيد راح تلاقي
استحسان الجميع
يعطيك العافيه محمد
طمنتني :)
بكره ان شالله بنزل أول موضوع
ان شالله يعجبك
ولو أنني أرى أن المدونة من المفترض أن تكون موقعا شخصيا جدا ،،
لكن لا يمنع ان ننقل من غيرنا ما نراه مفيدا شرط ذكر مصدرها ،،
ولكم الخيار في النهاية في تطبيق هذه الفكرة لأنكم تملكون المدونة والتصرف فيها
وبصراحة فكرة جديدة جدا
^-^
السلام عليج
الفكرة حلوة بس تخوف
احس صعب اعطي احد موقعي بيدي
يسوي فيه اللي يسويه!!
هذي يبيلها ثقة 100%
وانتي أكيد أدرى باللي يستاهل
والفكرة بصراحة عجيبة
:)
فكرة جديدة من نوعها
وكل شي منج حلو :)
بانتظار ابداعات صديقاتج ..
حلوة الفكرة ..
بس كيف راح تكون الطريقة ؟؟؟
الاستاذ بلاليط
يعطيك العافيه على مرورك
عابر سبيل
كلامك صحيح المدونه تعتبر موقع شخصي لكن نسمع فيها اراء الغير عن طريق الردود وانا حبيت اترك مجال اكبر لأقلام اعجبتني وحبيت انقلها للكل
تسلم على مرورك:)
عيون الحب
انا ماراح اسلم مدونتي لاحد
صحيح راح يكون كل شي من نفس الشخص
لكن هو بس راح يعطيني الكلام واي تنسيق يبيه وانا بسويه :)
حياك شهد وانتظري ابداعات الكل مو بس صديقاتي ويمكن تكونين وحده منهم;)
ثامر
يسعدني اشوف ردودك في مدونتي
الطريقه
بالنسبه لصديقاتي ماعندي مشكله
اما اصحاب المدونات راح تكون بهالشكل
انتي راح اختار شخص معين وراح ارسله واعرض عليه الفكره ان حب الفكره راح يرسل لي الموضوع اللي حاب اني اكتبه واي تعليق معاه او صوره اي شي راح ينحط زي ماهو يبيه
وبحاول بقد مااقدر ان الشخص اللي كتب الموضوع هو اللي يرد على اي تعليق
لاني اعتبر الردود له مو لي :)
وبس ان شالله اكون وضحت الفكره لك :)
ملاحظة للجميع
ترى الموضوع مو بس للي انا اختارهم
لو احد حب الفكره وحب انه يكون الشخص المختار
يقدر يكتب لي كومنت في هالموضوع ومايصير خاطره الا طيب :)
فكره حلوه :)
الله يوفقك ياعسل :)
وياك غيوود
ماقصرتي والله :)
إرسال تعليق