To Be HaPpY JuSt SmiLe ^_^

مزاجي

..

السبت، 5 يناير، 2008

باك بعد الغياب :)

السلام عليكم
كيفكم وش اخباركم
وحشتووووني
ادري اني مقصره وطولت عليكم بس كنت مشغوله مره اعذروني
والحين لمن لقيت فرصه قلت ماراح اطلع لين اكتب لكم شي
ماعرفت وش اكتب لاني مشغوله مع اختباراتي وبرزنتيشن لازم اقدمه بعد يومين وبصراحه ماخترت حتى الموضوع اللي بتكلم عنه
يعني فكري مشتت مررره الله يعين
بس بنزل لكم شي بسيط كتبته من فتره
اتمنى انه يعجبكم :)
قلت لك إن طحت من عيني ترى طحت
ماعاد ترجع دام عافك القلب والعين
حذرتك ترى مابتكسر خاطري لو صحت
وان كنت قدامك ترى بتفقدني بعدين
بس انت غرك غرورك ياشاطر ورحت
خل تنفعك شوفة النفس وغرورك الحين
سلمتك العمر كله وأسراري لك انا بحت
ولا غيرك قرى سطرٍ كتبته بدم نزف العين
بعدها تختفي فجأه ويوم شفتك بيدي لحت
وبكل برود تتهرب تقول عفوا انتي مين ؟؟
بعد هذا تظن انه بينكسر خاطري لو نحت؟
لا ياحبيبي خله غرورك ينفعك الحين
وسلامتكم
شي بسيط مره وكتبته على عجله وانا فيني النوم على اساس اني ان روقت بجلس له واعدل فيه
بس طبعا حاله زي حال اللي قبله دام ماتعدل بوقته ماراح يتعدل ابد :D
واعذروني لو غبت الايام الجايه
بس اكيد بزوركم كل ماتجيني فرصه :)
فمان الكريم

هناك 7 تعليقات:

بنت الروح يقول...

حمدالله ع سلامتك اختي قلبي ابتسم ,,
والله يكون بعونك على الاختبارات وغثاها :)
الحمدلله افتكينا منها ,, عقبالك :)

الابيات رائعه ,,
استمري ,,
ننتظر المزيد و المزيد

ياقلبي ابتسم يقول...

هلا والله بنت الروح

الله يسلمك يارب

وجد الله يعيين هالايام تعدي على خير

يعطيك العافيه :)

يـاسـر يقول...

الحمدلله ع السلامة

يالله كلها كم يوم وينتهي قلق الاختبارات

وانا بعد وقت اختبارات وانواع القلق

الله يسهل علينا وعليك ..

وبالنسبة للكلمات فـ هي جميلة وننتظر منك المزيد .. : )

ياقلبي ابتسم يقول...

هلا ياسر

الله يوفقك يارب ويسهبل عليك وعلي وعلى كل من يختبر

:)

غير معرف يقول...

ناااااااانووو

يا بعدهم كلهم

الله يوفقك في إمتحاناتك

و تسلم يدينك على الخاطره

كلمات رائعه خلطتها أناملك

إلى الأمام يا قلبووو


زحمة :)

ياقلبي ابتسم يقول...

عيووون ناانووو :$

تسلمين

والله يخليك لي زحوومه :)

هـٍِْبـًٍِـآيـٍَِـبٍِْ يقول...

ياقلبي ابتسم مبدعة ماشاءالله عليك والحمدلله على سلامتك ..

اتمنى تزوري مدونتي !