هذا اول موضوع انزله
((بقلم الغير))
كنت مرشحه كذا وحده من صديقاتي وكلهم رحبوا بالفكرة
لكن لظروفهم اجلوا الموضوع لفترة بسيطة
بس اخترت احد اخيرا :)
يمكن تستغربون من عنوان الموضوع
لكن هي حبت ان موضوعها يكون بهذا الاسم
لاتتوقعون ان الموضوع عن الخنافس جد هذا مجرد تشبيه :)
وبالنسبه لي الموضوع مره عجبني
خليني اتكلم شوي عن صاحبة القلم
باختصار هي انسانه اختارت ان تكون في الظل لتستطيع ان تعبر عن مشاعرها
اختارت لنفسها اسم الظل
قالت عن نفسها
لا كثير عن نفسي إلا بضع نبضات اتركها هنا لأمضي فيما بعد واترك نفسي مجرد ذكريـــات وان نسيها البعض
تمنيت احصل منها على صورة او شي تبي يكون مع الموضوع بس للاسف مالحقت اتكلم معاها
طولت عليكم صح
خلاص اتركم مع الموضوع
" مدخل "
قرأت بأن هناك
شجره عملاقه ظلت صامدة لـ ( 400 ) سنه و فجأة سقطت وسط ذهول الناس ،
ببساطه
لأنها ظلت تواجه الرياح وتنحني لها بحثا عن البقاء ،
والسبب الحقيقي
أن
الخنافس
ظلت تعبث وتأكل جذورها حتى قضت عليها ثم لم تملك هذه الشجرة العملاقة
إلا أن استسلمت لعبث الخنافس وسقطت معلنة الهزيمة ...
.
.
" حياتي مع الخنافس "
قد يكون وجه الشبه مقزز لكنها الحقيقة ،
أشياء صغيرهـ تأثير فينا مع مرور الوقت،
أحيان تجي معي حاله أفكر بأني "صعب أوصل لهدفي"
وأتخيل اني ما وصلته وعلى
هالاساس يكون شعوري مترتب عليه
وأنسى انه خيال وما صار للحين بأرض الواقع !!
وأحيان ثانيه أتذكر تفاصيل لموقف صاير من زمان
وأتضايق منها مع اني وقت ما صار الموقف
ما حسيت بهالشعور !!
وحتى لو احد قال كلمه ممكن ما تأثير فيني لكن مع مرور الوقت
أقول يمكن يقصد معنى ثاني غير اللي فهمته !!
.
.
اللي ذكرته مجرد هواجس تمر على الكثير وأكيد أنت وأنا منهم ..
ومع مرور الوقت نلاحظ إن هالخنافس الصغيرهـ
بدأت تآكل من شعورنا بالفرح
والإحساس بطعم الحياة وتضيع بأمور نحن في غنى عنها
.
.
" المطلوب "
نطرد هالخنافس
من فترهـ لفترهـ وما نترك لها مجال خصب للتكاثر والنمو
لازم يدخل النور لقلوبنا
ونجفف المياه الراكده في علاقاتنا مع بعضنا
ومع أنفسنا قبل الكل
أكيد هي نظرهـ مثاليه
لكني
أحاول أفتح باب مختلف ونشوف الشمس من جهه ثانيه
@ من خربشات الظل @
تعليقاتكم :)
هناك 18 تعليقًا:
الخنافس لها اشكال كثيرة
منها ناطقة غزت حتى احلامنا
ايه والله
صدقتـ / ـي
يعطيك العافيه
اتهقين اشلون نقتل هالخنافس؟
هالخربشات للظل ماره على هالاسلوب مو غريب على اتصدقين
يمكن التقينا فى فضاء الشبكه فى قراءه
المهم هذى اول زياره لى وسأكررها
الله يحفظك
ناديه
لاتخلينهم يدخلون حياتك
ولاتعطينهم الفرصه لأي شي
الظل لها سبيس ويمكن شفتيه
عموما شرفتني زيارتك
ويسعدني تواصلك
:)
وانا يسعدنى اكثر
معاج نيديه
ولست ناديه
:)
هلا نيديه
اسفه قريت الاسم غلط مانتبهت حياك مره ثانيه :)
صدقج والله
يعطيج العافية
يعطيك العافيه الفجر البعيد
هلا بك قلبو
في البدايه شاكرة لك اختيارك
لـموضوع " الخنافس"
واللي اتمنى من أعماقي
انو نفتح للنور كل الأبواب
ونتخلص من كل البقايا السلبيه اللي بداخلنا
.
ممتنة لك كثير
اختك ظل (:
هلا والله الظل
انا اللي اشكرك انك عطيتيني الفرصه اني انقل بعض من حروفك الرائعه في مدونتي
كل الشكر لك
ياعالم هذي صاحبة الموضوع استلموها :P
يعطيك العافيه
حلو الوصف صراحة ..
والتشبيه كان في محله .. مع إن كلمة (الخنافس) جابت لي المغص صراحة - وهذا دليل نجاح اختيارها في نظري
فعلاً ان لم نتجاوزها (سواء كانت أفكار أو وساوس أو أشخاص حتى) فسنراوح في أماكنّا ومصيرنا السقوط آخر الأمر ..
اختيار ناجح وتجربة موفقة ,,
هلا ثامر :)
تشبيه في مكانه الصحيح
يعطيك العافيه
وصف في مكانه..كويس كتير
يعطيك العافيه محمد :)
عجبني الوصف جدا
نورتني براك :)
فكرتك جدا رائعة
الله يوفقكن في أطروحاتكن
متابعتكن : )
هلا والله دبي
تسرني متابعتك :)
إرسال تعليق